Temas

Patoloxías nos pés máis habituais no verán

09/07/2021· Consellos

No noso post anterior dabámosvos algúns consellos sobre como coidar os pés na época máis calorosa do ano, o verán. A nosa gran traxectoria e recoñecemento como podólogos en Ourense permítennos contarvos algunhas das alteracións dos pés máis comúns do verán e que facer para previlas. 

Queimaduras nos pés

Nesta época do ano a crema de protección solar convértese nun imprescindible. Utilizámola a diario e aínda máis cando imos estar expostos aos raios solares en lugares como a praia ou a piscina; botamos crema solar na cara, os brazos, as pernas, a barriga, pero… que pasa cos pés? Son moitos os que se poñen en contacto co podólogo en Ourense Enrique José García  Rubira por este tipo de patoloxías. Cabe resaltar que é moi importante utilizar crema solar tamén nos pés, evitando así queimaduras indesexadas. 

A area da praia está moi quente? Nos días de máis calor é recomendable percorrer os areais de praia cun calzado adecuado para iso como poden ser as chanclas, evitando o contacto directo dos pés coa area para evitar este tipo de queimaduras. 

Cortes na planta dos pés

O verán é a época do ano na que máis camiñamos descalzos, ben sexa polos arredores da piscina ou na propia praia. É moi habitual que haxa obxectos  cortantes no chan que poden provocar cortes e infeccións polo que as chanclas volven ser de gran axuda. 

Escordaduras e torceduras

Á hora de escoller o calzado de verán para o día a día hai que prestar especial atención a que estes suxeiten ben o pé, xa que unha mala suxeición pode provocar escordaduras ou  torceduras. Sempre que vaias comprar calquera tipo de calzado para esta época do ano, como poden ser sandalias, presta atención a que o calzado suxeite perfectamente o pé. 

Sufriches algunha destas patoloxías?

Ponte en contacto co podólogo en Ourense Enrique José García  Rubira, pide cita para asegurar a boa saúde dos teus pés!

¡Compártelo!

Solicita una cita previa co noso podólogo en Ourense

Se precisas máis información sobre os servizos de podoloxía que ofrecemos en Ourense ou queres solicitar unha cita previa non dubides en poñerte en contacto con nós.

Contactar