Adoitas ter os pés fríos, inchados ou con sensación de formigueo? Pode que a túa circulación non estea a funcionar como debería e aínda non cho dixeron. Pero grazas ao que che contamos neste artigo, dende a clínica de Enrique José García Rubira, o teu podólogo en Ourense de confianza, vas coñecer a relación entre a saúde dos pés e os problemas circulatorios. E así poderás pedir consello e valorar solucións no momento adecuado.
Por que é tan importante unha boa circulación nos pés?
Os pés son a parte do corpo máis afastada do corazón, e iso fai que o sangue teña que percorrer todo un camiño ata chegar alí. O problema é que, se ese traxecto non se realiza correctamente, as células da zona non reciben suficiente osíxeno nin nutrintes, afectando ao seu funcionamento e á capacidade de rexeneración. Ademais, unha mala circulación pode ser o motivo polo que o teu corpo non elimina adecuadamente os refugallos, dificulta a cicatrización e mesmo é factible que altere a sensibilidade.
Sinais que indican que algo non vai ben
Cando a rega sanguínea nos pés vese comprometida, é fácil notar certos síntomas. Poden aparecer cambios na cor ou a temperatura da pel, sensación de frío, entumecemento, cambras ou mesmo dor ao camiñar. Na nosa consulta de podoloxía en Ourense tamén vemos con frecuencia uñas que se debilitan, feridas que non terminan de pechar ou unha pel máis seca e delicada do habitual.
Se notas algún destes signos de forma habitual, convén que cho tomes en serio. Un problema circulatorio non tratado pode derivar en complicacións máis graves, especialmente se convives con enfermidades como a diabetes.
Enfermidades que poden afectar á circulación dos teus pés
Algunhas patoloxías están directamente relacionadas cunha mal rega nas extremidades. É o caso da enfermidade arterial periférica, a insuficiencia venosa crónica, a trombose venosa profunda ou problemas como a diabetes e a enfermidade de Raynaud. Calquera delas ten o potencial suficiente como para ser a culpable de que os teus pés non reciban o fluxo sanguíneo necesario, aumentando o risco de infeccións, úlceras ou dor crónica.
Na nosa consulta de podoloxía en Ourense, vixiamos moito máis que os teus pés
Na consulta de Enrique José García Rubira sabemos que uns pés sans dependen de moitas cousas, e a circulación é unha das máis importantes. Por iso, cando vés vernos á nosa clínica de podoloxía en Ourense, non só tratamos os síntomas, tamén buscamos a orixe do problema.
Levas tempo con molestias nos pés e non sabes por que? Pide a túa cita e deixa que che axudemos a coidar a túa saúde xeral desde a base: os teus pés.