O neuroma de Morton é unha patoloxía que afecta á saúde dos pés, provocado polo uso constante de zapatos de tacón alto. Do mesmo xeito que calquera outra alteración que afecte á saúde, é de suma importancia detectalo a tempo e poder tratalo coa maior anticipación posible.
O noso podólogo, Enrique José García Rubira, dispón da formación e experiencia necesaria para poder tratar esta patoloxía na súa consulta de podoloxía en Ourense, motivo polo cal no artigo de hoxe contámosvos máis sobre o neuroma de Morton e poñémonos ao dispor de todos aqueles que padezan os síntomas desta alteración para poder tratala.
Causas do Neuroma de Morton
O motivo principal polo que xorde esta patoloxía é por un exceso de uso de zapatos de tacón alto. Isto produce que se sobrecarguen os metas e provoque unha compresión nerviosa que se transforma na inflamación do nervio. Ademais do neuroma de Morton, a utilización de zapato de tacón alto tamén é o causante de moitas outras patoloxías relacionadas coa saúde dos pés como, por exemplo, as escordaduras.
Como evitar esta doenza?
A forma máis sinxela e acertada de evitar o neuroma de Morton é a utilización de calzado adecuado. Aínda que moitas veces confúndese o feito de utilizar un calzado óptimo co feito de que sexa plano, é importante recalcar que esta crenza non ten nada de certa.
Os zapatos adecuados deben ter un tacón de entre dous e catro centímetros de elevación con respecto á punteira, pois os zapatos totalmente planos poden provocar a aparición de fascitis ou outro tipo de afeccións.
En resumo: a utilización dun calzado con tacón corrido de entre dous e catro centímetros de elevación é a mellor alternativa para previr o neuroma de Morton, así como tamén é importante o sistema de suxeición, sendo os cordóns a mellor opción debido a que os pés cambian de tamaño co paso do día.
Tratamento do neuroma de Morton
Naqueles casos nos que xa se detectou a presenza desta afección, o tratamento da mesma consiste na elaboración dunha plantilla para abrir o arco metatarsal, o cal está na cabeza dos metas para evitar a compresión nerviosa.
Cando non se logra corrixir a patoloxía coa utilización de plantillas procédese a unha cirurxía para cortar o nervio que se inflama.
Sentes unha dor punzante e continua na parte dianteira da planta do pé? Este é un dos primeiros síntomas do neuroma de Morton. Non esperas e ponte en contacto co noso podólogo en Ourense, encargarase de aplicar o tratamento adecuado para manter a saúde dos teus pés!